一、
二零一一年四月　　在下、某深圳友人

友人：「對啦，香港是不是在街上吐痰要罰好多錢的？」
我：「是啊，抓到一次罰一千五百塊」
「那香港的警察就到處抓吐痰的人嗎？那不是很奇怪嘛」
「不是啦，我們有個叫食物環境衛生署的部門，他們有人專門做這個」
「那這個部門的人就整天在街上走來走去，一看見有人吐痰就跑過去嗎」
「這個我也不清楚。不過這個部門也有人抓小販，不知道是不是同一批人」
「你是說在街上賣東西嗎？內地很多人做這個呀。香港不准的嗎？」
「也不是說完全不准。香港政府以前為了方便管理，就規定小販要有牌照。後來好像要整頓市容，就不再發牌，打算等以前拿到牌照的人老的老，死的死。這些人是專門抓沒牌那些小販的。」
「真的嗎？那香港的窮人都去幹甚麼啦？內地很多人，沒多少錢，就只能在街上賣點東西。派人去抓他們，那他們都幹甚麼去？」

二、
二零一一年五月　　在下、大學師弟
師弟：「我覺得相比起英國，香港啲大學學生會有時都幾唔成熟下。」
我：「吓？我覺得差唔多喎。你聽到啲咩令到你咁覺得？」
「前個排有個friend send咗啲競選既野俾我。我覺得啲中文都還好，但係佢一翻譯做英文，就真係幾白痴下。」
「咁始終佢既target都係香港人，大多都係睇中文先架啦。之前我地咪SU選舉既，有個叫Hero既人選Welfare Officer，唔知佢自己定係佢啲friend，係Houghton Street著住超人衫拉票，唔少poster我睇完都唔知點解佢要選，我又唔覺得真係好成熟喎」
「佢啲英文你真係會笑架，完全係唔make sense架囉」
「咁都係英文差啫，未必一定唔成熟既，咁又。可能因為香港既colonial past，所以我地先會一見到人英文唔好，就下意識覺得佢講既內容都無內涵。我承認我都有咁既tendency。但其實好多野，都唔一定要用英文，用中文一樣express到啫」
「都唔一定架。有時你可以翻譯到個字，但都始終無得完全吻合到」
「又係既，個字既意思可能一樣，但係cultural implication唔同」
「例如你頭先都用咗cultural implication啦」
「你覺得『文化含義』得唔得？」
「我覺得只有本身識英文，明白cultural implication呢個term既人，先會明咩叫『文化含義』，普通人唔會get到囉。」
「都係既。一係咁講會唔會好啲？『雖然個字本身既意思一樣，但係講廣東話同講英文既人聽到，因為佢地背景唔同，所以聯想到既野都會唔同。』係clumsy啲，但無話唔得既。三百幾年前牛頓寫萬有引力都要用Latin，依家大家都一定要用英文啦。英文做到，廣東話都做到既。」

按：自覺口中一向中英夾雜，抵英後更變本加厲。唯有不時提醒自己，免得語癌愈加惡化，說廣府話也沒人聽得懂。

三、
二零一一年三月　　在下、某室友
我：「點解你會覺得我好social？其實我都好摺架喎」
室友：「可能係因為你俾人既感覺太academic，所以雖然你成日出去見人，但個感覺都仲係摺」
「唔通我炒哂黎緊啲試，我個感覺就會social啲？」
「或者咁講，喺摺人入面，你係最social嗰個咁囉」

四、
二零一一年五月　　仍是在下、某室友
[正互訴溫習進度如何緩慢。屬日常標準對話，與『食咗飯未』、『呢排點』同類]
我：「我慘過你啦，今日一點半番到Library，六點先真正開始溫書」
室友：「吓？咁你喺Library做咗啲咩」
「無呀，咁H、R、J都過黎問我野喎，咁我咪幫下佢地囉。點知講下講下就六點」
「你番Library真係唔係讀書，係教人架喎。你係咪想搵返啲成功感呢」
「又唔可以咁講既。嗰陣時你搵H幫你整poster整網頁，佢都無托你手肘啦」
「咁唔同丫嘛。你依家係自己主動……」
「咁我都係番Library溫書啫，又唔係行埋去問人有無野唔識。同你見到H就搵佢幫手一樣啦。」

五、
二零一一年四月　　在下、某中六同窗
我：「我都覺得中大啲人好啲，無咁aggressive」
同窗：「都唔係架。你最多話我地無Kong U嗰邊情況咁嚴重。你睇下BBA啲人，好多都好假下。」
「話時話，阿邊個邊個依家點？」
「佢好好啦依家，佢識考大學啲試，啱玩個遊戲。不過佢都變左好多。變得最少都應該係我架喇」

六、
二零一一年四月　　仍是在下、某中六同窗
[得知當年某因心臟病發而缺席高考的舊友，現仍需接受物理及言語治療，並未補考]
同窗：「A-level最後一屆啦，今年都無得考，就真係唔使考」
我：「又唔係既，可以去考DSE架嘛」
「啲syllabus都唔同哂啦」
「咁又係，不過留得條命係度，總有機會既」

按：其實我們心裏都清楚。好多事都像急流中的落葉，如果捉不住，一生也不會再有同樣的機會。
　　無非是安慰自己

七、
二零零三至零五年間　　某中三同學

「其實如果你唔係咁聰明既話，你會係一個好失敗既人。」

以上全用人耳錄音，疏漏難免，請見諒。大意應如是。